15:16 - 18.12.2024

---

18 dekabr, Fineko/abc.az. "Birincisi, daha bir sahə baxımından bu, potensialdır, kadrlardır, bizim üçün tamamilə yeni bir şeydir. İkincisi, bu, dünyada mövcud olan tendensiyadır və ondan geri qalmaq istəmirik. Ona görə də mən artıq tapşırıqlar vermişəm ki, bunun bizə nə verə biləcəyini görmək üçün təcrübəli strukturların, elmi məqsədlər üçün mini-reaktorların işinin imkanları öyrənilsin".

ABC.AZ xəbər verir ki, bunu prezident İ. Əliyev "Rossiya-1" telekanalının "Vesti nedeli" proqramının aparıcısı Dmitri Kiselyova müsahibəsində deyib.

"Bu təşəbbüsün bahalı olduğunu və Azərbaycanda günəş və külək enerjisi layihələrinin xarici investorlar tərəfindən həyata keçirildiyini, dövlətin heç bir şey yatırmadığını, yalnız potensial əldə etdiyini nəzərə alsaq, əlbəttə ki, biz investisiya layihələrində daha çox maraqlı olardıq. Əgər hansısa ölkədən şirkətlər bu kimi maraq göstərərsə, biz co-investor ola bilərik və düşünürəm ki, bu, investisiyalar üçün də yaxşı bir layihə ola bilərdi, çünki hal-hazırda, artıq bir neçə həftədən sonra Azərbaycandan Qara dənizin dibi ilə Avropaya enerji kabelinin tikintisi Texniki iqtisadi əsaslandırması başa çatacaq, ilkin mərhələdə 4 min meqavat nəzərdə tutulub, lakin Avropa ölkələrinin enerjiyə olan tələbatını və onların özləri çox sərmayə qoyduqlarını nəzərə alaraq, biz bilirik ki, onlara qıtlıq olacaq, ona görə də onlar üçün əlavə təmiz yaşıl enerji mənbələri lazım olacaqdır. Yəni bu, yaxşı drayver ola bilər, həmçinin Azərbaycanda elektrik enerjisinin daxili qiymətləri elədir ki, bu sektora investisiya qoymaq və elektrik enerjisini istehlakçılara şirkətlər üçün satmaq kommersiya baxımından tamamilə məqbuldur", — deyə Prezident Əliyev bildirib.