09:30 - 15.08.2026

---

15 avqust, Fineko/abc.az. 2025-ci ilin dövlət büdcəsində “Təhsil” sektoru üzrə 26 icraçı təşkilat tərəfindən 10 proqram üzrə 101 tədbirin həyata keçirilməsi üçün 4 milyard 896,7 milyon manat vəsait proqnozlaşdırılıb.

Maliyyə Nazirliyinin məlumatına görə, bu göstərici əvvəlki illə müqayisədə 346,4 milyon manat və ya 7,6% çoxdur.

İcraçı təşkilatların sifarişləri əsasında sektora 4 milyard 619,5 milyon manat (proqnozlaşdırılandan 277,2 milyon manat və ya 5,7% az) vəsait ayrılıb və təqdim olunan məlumatlara əsasən, ayrılan məbləğ tam istifadə olunub.

Xərclərin strukturu və bölünməsi:

• Elm və Təhsil Nazirliyi: Sektor üzrə istifadə olunmuş vəsaitin 90,2%-i nazirlik tərəfindən icra olunan tədbirlərin payına düşüb;

• Bölüşdürülməmiş (blok) vəsait: Proqnozlaşdırılan 197,9 milyon manatın (4%) 76,6 milyon manatı xərclənib.