14:00 - 13.08.2026

---

13 avqust, Fineko/abc.az. İqtisadiyyat Nazirliyi yanında Dövlət Vergi Xidmətinin (DVX) elektron qeydiyyat sistemi vasitəsilə qeyri-rezident rəqəmsal xidmət təchizatçılarının vergi uçotuna alınması davam etdirilir.

Bu il ərzində daha 4 beynəlxalq şirkət — ABŞ-nin “Xsolla” və “Valve Corporation”, Böyük Britaniyanın “Formula One Digital Media” və Almaniyanın “Cleverbridge” şirkətləri portalda qeydiyyatdan keçib. “Valve” və “Cleverbridge” şirkətlərinin ƏDV qeydiyyatı sentyabrın 1-dən qüvvəyə minəcək.

Vergi Məcəlləsinə edilən dəyişikliklərə əsasən, sentyabr ayından etibarən ölkə üzrə illik dövriyyəsi 10 min dolları aşan qeyri-rezident rəqəmsal xidmət təchizatçıları üçün elektron qeydiyyat məcburi olacaq. Qeydiyyatdan keçmiş şirkətlər ƏDV-ni özləri bəyan edib büdcəyə ödəyəcək, nəticədə xidmət alarkən banklar tərəfindən vətəndaşların hesabından ƏDV tutulmayacaq.