11:10 - 14.08.2026

---

14 avqust, Fineko/abc.az. İqtisadiyyat Nazirliyinin tabeliyində olan İqtisadi Zonaların İnkişafı Agentliyinin (İZİA) idarəçiliyindəki Sumqayıt Sənaye Parkına yeni rezident qəbul edilib. "Bimbo QSR Azərbaycan" MMC-yə parkın rezidenti statusu verilib.

Layihə üzrə əsas göstəricilər:

• İnvestisiya həcmi: 27,5 milyon manat;

• İstehsal yönümü: Burger və hot-doq üçün bulka istehsalı;

• İllik istehsal gücü: 150 milyon ədəd;

• Yeni iş yerləri: 100-dən çox.

İstehsal prosesində tam olaraq yerli xammaldan istifadə ediləcək. Hazırlanacaq məhsulların daxili bazarın tələbatını ödəməklə yanaşı, region ölkələrinə ixrac olunması da planlaşdırılır.