14:33 - 12.08.2026

---

12 avqust, Fineko/abc.az. Bu ilin yanvar-iyul aylarında Azərbaycanda 38,9 milyard manatlıq sənaye məhsulu istehsal edilib.

Dövlət Statistika Komitəsindən verilən məlumata görə, bu göstərici ötən ilin eyni dövrü ilə müqayisədə real ifadədə 0,3% çoxdur.

Sənayenin emal sektorunda istehsal olunan məhsul və göstərilən xidmətlərin həcmi 2,7% artaraq 12 milyard 943,8 milyon manat təşkil edib.

Emal sənayesində ən yüksək artım göstərən sahələr:

• Avtomobil, qoşqu və yarımqoşquların istehsalı: +88,4%

• Əczaçılıq məhsullarının istehsalı: +53,9%

• Toxuculuq sənayesi: +35,9%

• Tütün məmulatlarının istehsalı: +18,4%

• Kağız və karton istehsalı: +12,5%

• Qida məhsullarının istehsalı: +9,6%

• Metallurgiya sənayesi: +9,5%

• Maşın və avadanlıqların quraşdırılması/təmiri: +8,5%

• Dəri və dəri məmulatları, ayaqqabı istehsalı: +8,3%

• Elektrik avadanlıqlarının istehsalı: +7,6%

• Tikinti materiallarının istehsalı: +7,3%