11:29 - 29.10.2024

---

29 oktyabr, Fineko/abc.az. Gürcüstanda Kulevidə NEZ-in həyata keçirilməsinə ən böyük özəl investisiyalar qoyulub.

ABC.AZ xəbər verir ki, bu barədə hökumət başçısı İrakli Kobaxidze bildirib.

Onun sözlərinə görə, zavodun yaradılmasının ilkin mərhələsinin büdcəsi 110 milyon dollara çatır, neftayırma zavodunun ümumi xərcləri 700 milyon dollara çatmalıdır.

İnşaat “Blek Si Petroleum” tərəfindən aparılır. Birinci mərhələdə ildə 1,2 milyon ton neft emal edəcək Neft Emalı Zavodu 2025-ci ilin mart ayından fəaliyyətə başlamalıdır.

Zavod nafta, dizel və yanacaq yağı istehsal edəcək. 2026-cı ildə Neft Emalı Zavodu öz gücünü 4 milyon tona qədər artıracaq. Neft məhsullarının siyahısına qazoyl və bitum əlavə ediləcək. Gələcəkdə benzin və təyyarə yanacağı istehsalı da mümkündür.