11:25 - 22.10.2025

---

22 oktyabr, Fineko/abc.az. Oktyabr ayının proqnozlarına görə illik inflyasiya 2025-ci ildə 0,3 faiz bəndi artaraq 6% təşkil edəcək.

ABC.AZ-ın məlumatına görə, bunu Azərbaycan Mərkəzi Bankının (AMB) sədri Taleh Kazımov faiz dəhlizinin parametrlərinə dair keçirilən mətbuat konfransında bildirib.

O qeyd edib ki, 2026-cı ildə faiz bəndinin 0,4 faiz artaraq 5.7% olacağı gözlənilir. "İnflyasiya proqnozunun yuxarıya doğru dəyişdirilməsi, əsasən təklif amilləri ilə bağlıdır. Buna əsas təsir göstərən amillər kənd təsərrüfatı istehsalaçı qiymətlərinin artımasıdır", - deyə sədr vurğulayıb.

Müəllif: Elmir Muradov