15:13 - 8.10.2018

---

8 oktyabr, Fineko/abc.az. Sumqayıt Texnologiyalar Parkı (STP) ilk dəfə “Made in Azerbaijan” markası altında Qırğızıstana  110 kilovatlıq elektrik kabeli  ixrac etməyə başladı.

STP-in məlumatında deyilir ki, 4 oktyabr tarixində 2384 m uzunluğu olan kabel "ElektroSila" şirkətinə ixrac edilib.

“Ümumilikdə 7140 metr kabel satışını nəzərdə tutan sifariş daha  iki mərhələdə müştəriyə çatdırılacaq”, - deyə məlumatda bildirilir.

Məlumatda qeyd edilir ki, kabellər Qırğızıstanın paytaxtı Bişkek şəhərinin mərkəzi rayonlarını elektriklə təmin edən yeni Istilik Elektrik Stansiyasının tikintisini və elektrik xətlərinin çəkilməsini nəzərdə tutan layihədə istifadə olunacaq.