16:11 - 28.02.2023
28 fevral, Fineko/abc.az. Azərbaycan və Türkiyə prezidentləri tərəfindən təməli qoyulan, uzunluğu 123,6 kilometr olan Horadiz-Cəbrayıl-Zəngilan-Ağbənd avtomobil yolunun (Zəngəzur dəhlizi) tikintisi sürətlə davam etdirilir.
ABC.AZ AAYDA-ya istinadən xəbər verir ki, Horadiz-Cəbrayıl-Zəngilan-Ağbənd yolunun (Zəngəzur dəhlizi) tikintisi 73% icra olunub.
İcra olunanlar aşağıdakılardır:
- Torpaq yatağı - 70,19 km,
- Hamarlayıcı layı – 47,79 km,
- Əsasın alt layı (subbase) sol tərəfdə - 40,43 km və sağ tərəfdə - 34,59 km,
- Əsasın üst layı (base) sol tərəfdə - 40,15 km və sağ tərəfdə - 31,43 km,
- Bitumlu təməl layı sol tərəfdə - 35,77 km və sağ tərəfdə - 26,31 km,
- Binder layı - 8,08 km.
- Dairəvi borular - 202 ədəd tikilib, 32-də işlər davam edir.
- Düzbucaqlı borular - 26 ədəd tikilib, 4-də işlər davam edir.
- Alt keçidlər - 44 ədəd tikilib, 2 -də işlər davam edir.
- Körpülər və qovşaqlar - 12 körpü tikilib, 12 körpüdə tikinti işləri davam edir.
