15:13 - 16.01.2023
16 yanvar, Fineko/abc.az. "Azexport" portalı vasitəsilə 2022-ci ildə ixrac sifarişlərinin dəyəri 469,9 mln. dollar təşkil edib.
ABC.AZ Apa-ya istinadən xəbər verir ki, bunu 2022-ci ildəki fəaliyyətinin yekunlarına dair keçirdiyi mətbuat konfransında İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyib. O, "Amazon" və "Ebay" vasitəsilə ixrac imkanlarının yarandığını qeyd edib.
V. Qasımlı həmçinin əlavə edib ki, "Bir Pəncərə" İxraca Dəstək Mərkəzi vasitəsilə ötən il 269,7 mln. ABŞ dolları ixrac həyata keçirilib. Bu, Azərbaycanın ümumi qeyri-neft ixracının 10%-ni təşkil edir.
