10:30 - 26.12.2024

---

26 dekabr, Fineko/abc.az. Etalon markaların qiymətləri Cümə axşamı ABŞ-da yanacaq ehtiyatlarının dəyişməsi barədə məlumatlar fonunda cüzi dəyişir.

ABC.AZ xəbər verir ki, London ICE Futures birjasında Brent markalı neftin mart fyuçersləri saat 10:17-də 7 sent artaraq bir barelə $73,22-a çatıb.

Bu vaxta qədər Nyu-York əmtəə birjasının (NYMEX) elektron ticarətində WTI üzrə fevral fyuçerslərinin kotirovkaları 5 sent artaraq bir barelə $70,17-a çatıb.

Çərşənbə günü katolik Milad bayramı ilə əlaqədar neft fyuçersləri ilə ticarət aparılmamışdı.

Amerika Neft İnstitutunun (API) hesablamalarına görə, ötən həftə ABŞ-da neft ehtiyatları 3,2 milyon barel azalıb. Rəsmi məlumatlar bu qiymətləndirməni təsdiq edərsə, ehtiyatların azalması ardıcıl beş həftə üzrə qeydə alınacaq.