16:59 - 26.11.2024
26 noyabr, Fineko/abc.az. Rusiyanın Dövlət Duması ikinci və üçüncü oxunuşlarda mayninq və kriptovalyuta əməliyyatlarına gəlir vergisi haqqında qanun qəbul edib.
ABC.AZ xəbər verir ki, sənəd qanunvericilik fəaliyyətinin təmin edilməsi sistemində dərc edilmişdir.
Qanun rəqəmsal aktivləri vergi məqsədləri üçün əmlak kimi tanıyır. Onlarla aparılan əməliyyatlardan əldə olunan gəlir, qiymətli kağızlarla aparılan əməliyyatlardan əldə olunan gəlirlə birlikdə vahid vergi bazasına daxil ediləcəkdir. 2025-ci ildən bu cür aktivlərin sahibləri üçün fərdi gəlir vergisi dərəcəsi 13%, ildə 2,4 milyon rubldan yuxarı gəlirlə — 15% ola bilər. Eyni zamanda, kriptovalyuta ilə əməliyyatlar ƏDV-dən azaddır.
