17:27 - 6.09.2023

---

6 sentyabr, Fineko/abc.az. Səudiyyə Ərəbistanının telekommunikasiya şirkəti STC Group Madriddə yerləşən çoxmillətli İspaniya telekommunikasiya şirkəti Telefonica-nın 9,9 faizini 2 milyard 100 milyon avroya satın alaraq ən böyük səhmdara çevrilib.

ABC.AZ xəbər verir ki, Telefonica-dan verilən yazılı açıqlamada şirkətin kapitalının 4,9 faizini təşkil edən səhmlərin və qalan 5 faizini təşkil edən maliyyə alətlərinin STC Group tərəfindən 2,1 milyard avroya alındığı bildirilib.

Telefonica-nın səhmdarları arasında 4,87 faiz payla BBVA, ikinci yerdə ABŞ-ın BlackRock (4,48%) və Caixabank (3,5%) fondları var.

Səudiyyə Ərəbistanı Birjasında 49,2 milyard avro bazar dəyəri ilə ticarət edilən STC Group telekommunikasiya sektorunda Yaxın Şərqin lideri kimi tanınır və Bolqarıstan, Xorvatiya və Sloveniyada da investisiyaları var.