11:49 - 16.02.2023

---

16 fevral, Fineko/abc.az. 2023-cü ilin yanvar ayında Azərbaycana 169 milyon 761 min dollar dəyərində yeyinti məhsulları idxal edilib.

ABC.AZ Dövlət Gömrük Komitəsinə istinadən xəbər verir ki, 2022-ci ilin yanvar ayı ilə müqayisədə 2023-cü ilin eyni ayında yeyinti məhsullarının idxalı 19 milyon 905 min dollar və ya 13,3% artıb.

Ötən ilin yanvarında Azərbaycana 149 milyon 856  min dollar dəyərində yeyinti məhsulları idxal edilmişdi.

Azərbaycana 2021-ci ildə 1 milyard 929 milyon 891 min dollar, 2022-ci ildə 2 milyard 363 milyon 142 min dollar dəyərində yeyinti məhsulları idxal edilmişdi.