11:28 - 21.06.2022

---

21 iyun, Fineko/abc.az. İqtisadiyyat Nazirliyi yanında Dövlət Vergi Xidmətinin builki büdcə öhdəliyinin 2 920 milyon manat və yaxud 33,1% artırılması nəzərdə tutulur.

ABC.AZ Renkinq-ə istinadən xəbər verir ki, bu, “2022-ci il dövlət büdcəsinə dəyişiklik edilməsi haqqında” qanun layihəsində öz əksini tapıb.

Sənədə əsasən, vergi orqanlarının büdcə yükünün 8 820 milyon manatdan 11 740 milyon manata çatdırılması nəzərdə tutulur.

Bundan başqa, Dövlət Gömrük Komitəsinin builki büdcə öhdəliyi 345 milyon manat və yaxud 8,1% artırılaraq 4 260 milyon manatdan 4 605 milyon manata çatdırılacaq.