16:29 - 26.07.2019

---

26 iyul, Fineko/abc.az. Cari ilin birinci yarısında ölkənin strateji valyuta ehtiyatları 9,4 % artaraq 49 milyard dollar təşkil edib. Valyuta ehtiyatları bu ilin əvvəlindən 4,2 milyard dollar artıb.

Bu barədə keçirdiyi mətbuat konfransında Azərbaycan Mərkəzi Bankının sədri Elman Rüstəmov deyib.

Həmçinin o qeyd edib ki, Mərkəzi Bank istifadədə olan yararsız pul nişanlarının dövriyyədən çıxarılmasına dair qaydalar hazırlayıb.

E.Rüstəmov qaydaların hazırda maliyyə qurumları və ekspertlər tərəfindən müzakirə olunduğunu bildirib.