17:17 - 25.06.2026

---

25 iyun, Fineko/abc.az. BP ADNOC və tərəfdaşlarla Bab Gas Cap layihəsi üzrə konsessiya sazişi imzalayaraq 10% pay əldə edib və ilk dəfə Əbu-Dabinin qurudakı qaz ehtiyatlarına çıxış qazanıb.

ABC.AZ xəbər verir ki, layihə üç rezervuarı əhatə edir və gündə 1,5 milyard kub futadək qaz hasilatı nəzərdə tutur. Layihə BƏƏ-də daxili tələbatın ödənilməsinə və mayeləşdirilmiş təbii qaz (LNG) ixracının genişləndirilməsi planlarına dəstək verəcək.

Layihənin 60%-i ADNOC-a məxsusdur, qalan paylar isə TotalEnergies, CNPC International, INPEX, China ZhenHua Oil və GS Energy arasında bölüşdürülüb.