14:27 - 18.06.2026

---

18 iyun, Fineko/abc.az. ABŞ Federal Ehtiyat Sisteminin (FED) yeni sədri Kevin Uorşun rəhbərliyi ilə keçirilən ilk mühüm iclas başa çatıb. Bazarların diqqətlə izlədiyi iclasdan qlobal iqtisadiyyat üçün 5 əsas mesajı önə çıxıb.

ABC.AZ xəbər verir ki, FED uçot dərəcəsini gözlənildiyi kimi 3,50% - 3,75% aralığında sabit saxlayıb. Lakin bu qərara baxmayaraq, qurumun gələcək siyasətində kəskin dəyişikliklərin siqnalları verilib.

İclasın əsas iqtisadi yekunları:

1.    Faiz artımı ehtimalı güclənib: Gələcək gözləntiləri əks etdirən "nöqtə qrafiki " (dot plot) ilin sonuna qədər 25 baza bəndi həcmində daha bir faiz artımının ola biləcəyinə işarə edir. Komitə üzvləri bu məsələdə iki yerə bölünüb.

2.    Sədr öz proqnozunu gizli saxlayıb: İrəliyə yönəlik rəhbərliyə məsafəli yanaşan Kevin Uorş, ənənəvi hesabatda (SEP) öz şəxsi faiz proqnozunu təqdim etmədiyini təsdiqləyib.

3.    FED-də institusional islahatlar başlayır: Uorş funksional səmərəliliyi, inflyasiya ilə mübarizə üsullarını və süni intellektin təsirlərini araşdıracaq 5 fərqli strateji işçi qrupunun yaradıldığını elan edib.

4.    İnflyasiyaya qarşı sərt mövqe: Mətbuat konfransında "qiymət sabitliyi" faktoruna xüsusi vurğu vurulub. Bu ton bazarlar tərəfindən FED-in inflyasiyaya qarşı daha aqressiv mübarizə aparacağı kimi şərh edilib.

5.    Qısa və lakonik bəyanat dövrü: FED-in kommunikasiya dili sadələşdirilib. Əvvəlki dövrlərdə 300 sözü keçən mürəkkəb iclas bəyanatları, bu dəfə cəmi 130 sözlə məhdudlaşaraq qısa və konkret xarakter alıb.

Qlobal bazarlara təsiri: FED-in bu mesajlarından sonra mis qiymətlərində geriləmə qeydə alınıb, qızıl isə yuxarı dinamikasını qoruyur.