16:52 - 8.08.2026

---

8 avqust, Fineko/abc.az. ABŞ-ın "Apple" korporasiyası Çinin materik hissəsindəki Mac istifadəçilərinin "Alibaba" şirkətinə məxsus "Qwen" süni intellekt modelini "Siri" rəqəmsal köməkçisinə və "Writing Tools" (Yazı Alətləri) funksiyasına necə qoşa biləcəyini izah edən təlimat yayımlayıb.

Bu addım "Apple"a Çinin "AI PC" (süni intellektli fərdi kompyuterlər) bazarında mövqelərini möhkəmləndirməyə imkan verəcək. Belə ki, yerli istehsalçılar olan "Lenovo" və "Huawei" öz süni intellekt həllərini fəal şəkildə təşviq etdiyi üçün "Apple" regionda bazar payını itirməkdə idi. "Omdia"nın məlumatına görə, ilin birinci rübündə "Apple"ın Çindəki Mac tədarükü 9% azalaraq 800 min ədədə düşüb və kompyuter bazarında payı 9%-ə geriləyib.

Təlimata əsasən, "macOS 26.6" və ya daha yeni əməliyyat sistemi ilə çalışan Mac istifadəçiləri "Qwen" hesablarına daxil olaraq sənədlərin, fotoların təhlili və mətnyaratma funksiyalarından istifadə edə biləcəklər. Məfhumların məxfiliyi çərçivəsində "Alibaba" istifadəçilərin təqdim etdiyi materialları öz modellərinin təlimi üçün istifadə edə bilməyəcək.