15:18 - 9.04.2026

---

9 aprel, Fineko/abc.az. Rusiya Cənubi Asiya ölkələrinə sanksiyaya məruz qalan obyektlərdən əldə olunan LNG-ni spot qiymətlərdən 40% endirimlə təklif edir və tədarükün guya Oman və ya Nigeriyadan gəlməsini sübut edən sənədləri təqdim etməyə hazırdır.

ABC.AZ xəbər verir ki, bu barədə Bloomberg yazır.

Hörmüz boğazının bağlanması və Qətərdə yerləşən dünyanın ən iri LNG ixrac zavoduna edilən hücumlar dünya təchizatının təxminən beşdə birinin azalmasına səbəb olub, qaz bazarını pozub və qiymətləri artırıb.

Qətərdən yüklər dayanıb, bu isə Banqladeş və Hindistanı daha bahalı alternativlər axtarmağa məcbur edib. Arctic LNG 2 və Portovaya vasitəsilə ixracın fəal genişləndirilməsinə baxmayaraq, əksər alıcılar ABŞ sanksiyalarından qorxur; hazırda sanksiyaya məruz qalan LNG-nin əsas idxalçısı yalnız Çin olaraq qalır. Digər ölkələrə təchizatın genişləndirilməsi Rusiyaya müştəri bazasını diversifikasiya etməyə kömək edə bilər.