10:05 - 7.08.2026

---

7 avqust, Fineko/abc.az. Cümə günü neft qiymətləri yüksəliş dinamikasını davam etdirib. Buna səbəb İran və Ummanın Hörmüz boğazının yenidən açılması çərçivəsində "düşmən" hesab edilən gəmilərin boğazdan keçidinin qadağan edilməsini və qaydaları pozanlara ağır cərimələrin tətbiq olunmasını təklif etməsi xəbərləridir.

"Brent" markalı neftin fyuçersləri 1,2% artaraq barrel üçün 83,48 dollara, ABŞ-ın WTI ham nefti isə 1,1% bahalaşaraq 78,84 dollara çatıb.

Həftənin əvvəlində ABŞ və İran arasında diplomatik həll ehtimalı qiymətləri endirsə də, "Brent" nefti cüməşənbə günündən etibarən yenidən 80 dollar həddini aşıb.

Analitiklər bazardakı ehtiyatlı yanaşmanın neftin ucuzlaşmasını məhdudlaşdırdığını bildirirlər. İran Parlamentosunda baxılan layihəyə əsasən, qaydaları pozan gəmilərə yükün dəyərinin 20%-dək cərimə tətbiq edilməsi nəzərdə tutulur. Eyni zamanda, husilərin Mərib və Hədrəmutda yeni hücumlar təşkil etməsi bölgədəki riskləri artırır.