14:20 - 15.07.2025

---

15 iyul, Fineko/abc.az. ABŞ-ın pul dövriyyəsi nəzarətçisi (OCC) İdarəsi, kriptovalyutanın saxlanması ilə bağlı yenilənmiş qaydaları açıqlayıb.

ABC.AZ xəbər verir ki, sənəd Federal ehtiyat sistemi və Federal depozit sığortası Korporasiyası ilə birlikdə hazırlanıb.

Yeni təlimatlar Amerika banklarının kripto bazarına daxil olmasına mane olan əvvəlki məhdudiyyətləri aradan qaldırır. Xüsusilə, banklar müştərilərin şəxsi açarları üzərində tam nəzarəti saxlamalıdırlar, bu zaman onları müştərilərin özlərinə ötürmək qadağandır. Kibertəhlükəsizlik, risklərin idarə edilməsi, AML/CFT uyğunluğu və məcburi kadr hazırlığı tələbləri də tətbiq olunur.

Banklara subkastodianları cəlb etməyə icazə verilir, lakin işlərinə görə tam məsuliyyət daşıyırlar. İlk layihələrin pilot proqramlar çərçivəsində həyata keçiriləcəyi gözlənilir.