14:17 - 19.02.2024
19 fevral, Fineko/abc.az. Yüksək qiymətlərlə dəstəklənən neft və qaz hasilatı artmağa davam edəcək.
ABC.AZ xəbər verir ki, bu barədə nüfuzlu nəşr “The Economist”in “Energy Outlook 2024” üzrə xüsusi buraxılışında qeyd edilir.
Yüksək əmtəə qiymətləri və Avropa İttifaqının Rusiyanın enerji təchizatını əvəz etmək səyləri 2024-cü ildə qalıq yanacaq istehsalına yeni investisiyalar cəlb etməyə davam edəcək.
Hesabatda qeyd edilir ki, qlobal təbii qaz hasilatının illik müqayisədə 2.2% artacağı gözlənilir.
“Artan istehsalın əsas mənbələri Şimali Amerika, Norveç, Yaxın Şərq, Şimali Afrika, Azərbaycan, Türkmənistan, Çin, Avstraliya və Mozambik olacaq”.
Nəşr qeyd edir ki, ABŞ-nin mayeləşdirilmiş təbii qaz ixracı ixrac imkanları genişləndikcə qarşıdakı illərdə artacaq. Bu, 2024-cü ildə 1.9% artacağını proqnozlaşdırdıqları yerli istehsalın artımını dəstəkləyəcək.
