12:31 - 12.12.2022

---

12 dekabr, Fineko/abc.az.  2022-ci ilin yanvar-noyabr aylarında ölkədə rəsmi inflyasiya 13,8% təşkil edib.

ABC.AZ xəbər verir ki, bu barədə Dövlət Statistika Komitəsi yanvar-noyabr aylarının inflyasiya ilə bağlı hesabatında qeyd edilib. 

Bu dövrdə ərzaq məhsulları, içkilər və tütün məmulatları üzrə qiymətlər 19,5 faiz, qeyri-ərzaq məhsulları üzrə 8,3 faiz, əhaliyə göstərilmiş ödənişli xidmətlər üzrə 10,4 faiz bahalaşıb. 
Noyabrdan-noyabra bahalaşma isə 15,1% olub. 

Bu dövrdə ərzaq məhsulları, içkilər və tütün məmulatları 20,1%, ayrıca olaraq qida məhsulları 20,8% bahalaşıb. 
Spirtli içkilərin qiymətində son bir ildə 6,3%, tütün məmulatlarında 6,9% artım var. 
Dövlət Statistika Komitəsinin məlumatlarına görə, qeyri-ərzaq məhsulları 12,1%, ödənişli xidmətlər 10,7% bahalaşıb.