16:01 - 6.01.2022

---

6 yanvar, Fineko/abc.az. Azəri-Çıraq-Günəşli (AÇG) və Şahdəniz üzrə gəlirlər açıqlanıb.

Dövlət Neft Fondundan ABC.AZ-a verilən məlumata görə,  01 yanvar 2022-ci il tarixinə AÇG yatağı üzrə əldə olunan ümumi gəlirlər (2001-ci ildən etibarən) 155 milyard 373 milyon ABŞ dolları təşkil edib. 2021-ci il ərzində AÇG yatağından gəlirlər 5 milyard 968,4 milyon ABŞ dolları təşkil edib.

2007-ci ildən etibarən Şahdəniz yatağı üzrə qazın və kondensatın satışından əldə olunan ümumi gəlirlər 4 milyard 551 milyon ABŞ dolları (01.01.2022 tarixinə) təşkil edib.  2021-ci il ərzində Şahdəniz yatağından  (01.01.2021-01.01.2022 tarixinə) gəlirlər 884 milyon 793 min ABŞ dolları olub.

O cümlədən, Şahdəniz yatağı üzrə kondensatın satışından əldə olunan gəlirlər 302 milyon 817 min ABŞ dolları təşkil edib.