10:26 - 10.12.2021

---

10 dekabr, Fineko/abc.az. Cari ilin 9 ayında əmtəə ixracı 13,9 milyard dollar (42,3 % artım) təşkil edib.

ABC.AZ Mərkəzi Banka istinadla xəbər verir ki, dövr ərzində əsasən dünya neft bazarlarında xam neftin bahalaşması (49 % və ya 1,5 dəfə) səbəbindən neft-qaz sektoru üzrə ixracın həcmi 43 % artaraq 12,2 milyard dollar olub. İxrac olunmuş neft məhsullarının (9,6 milyard dollar) 8,9 milyard dolları xam neftin, 627 milyon dolları isə neft emalı məhsullarının payına düşür.

2021-ci ilin 9 ayı üzrə qeyri-neft ixracı 38,1 % artaraq 1,7 milyard dollar olub.