10:36 - 9.08.2019

---

9 avqust, Fineko/abc.az. Azərbaycanın “Azeri Light” markalı nefti 1,37 dollar (2,33%) artıb və bir barelə 60,18 dollar təşkil edib.

Neftin etalon markalarının qiymətləri, avqustun 8-də müşahidə olunan xeyli yüksəlişdən sonra cümə günü enməyə doğru hərəkət edir.

Avqustun 8-də keçirilən ticarətdə Londonun “ICE Futures” birjasında “Brent”in oktyabr fyuçersi $1,15 (2,05%) artaraq bir barelə $57,38 təşkil etmişdir. Cümə günü “Brent”in  qiyməti saat 9:20-də  $0,13 (0,23%) azalaraq $57,25 /barelə təşkil edib.

NYMEX birjasında avqustun 8-də keçirilən ticarətin nəticəsində “WTI” markalı neftin sentyabr fyuçersi $1,45 (2,84%) artaraq bir barelə $52,54 təşkil etmişdir.  Onun qiyməti cümə günü saat 9:20-də $0,07 (0,13%)  enərək $52,47 / barelə təşkil etmişdir.