16:41 - 10.08.2026

---

10 avqust, Fineko/abc.az. Rəqəmsal İnkişaf və Nəqliyyat Nazirliyindən bildirilib ki, Orta Dəhliz üzrə tətbiq edilən rəqəmsal həllər və prosedur sadələşdirilmələri nəticəsində Çin–Avropa marşrutu üzrə yükdaşıma müddəti əvvəlki 38-53 gündən orta hesabla 12 günə kimi azaldılıb.

Bu sıçrayışa Nazirlik tərəfindən yaradılan "Bir Pəncərə" İnformasiya Sistemi – Rəqəmsal Logistika Platforması, eləcə də "e-CMR", "e-Permit" və "e-TIR" kimi elektron sənəd dövriyyəsi sistemlərinin tətbiqi imkan verib.

Növbəti mərhələdə platformanın Orta Dəhliz üzrə tərəfdaş ölkələrin analoji sistemləri ilə inteqrasiyası planlaşdırılır.