11:56 - 5.08.2026

---

5 avqust, Fineko/abc.az. Türkiyə Hava Yolları (THY) 2026-cı ilin ikinci rübünə dair maliyyə nəticələrini açıqlayıb.

Şirkət hesabat dövründə 8,9 milyard türk lirəsi (TL) (təxminən 187,1 milyon dollar) xalis mənfəət əldə edərək 13,1 milyard TL-lik (təxminən 275,3 milyon dollar) bazar gözləntilərinin altında qalıb.

Yüksək yanacaq qiymətlərinin və aviasiya sektorundakı çətinliklərin təsiri ilə THY-nin xalis mənfəəti ötən ilin eyni dövrü ilə müqayisədə 67% azalıb. Şirkətin rüblük gəlirləri isə 41% artaraq 327,1 milyard TL-yə (təxminən 6,88 milyard dollar) çatıb ki, bu da 323,2 milyard TL-lik (təxminən 6,79 milyard dollar) proqnozu üstələyib.