10:39 - 13.11.2025

---

13 noyabr, Fineko/abc.az. Visa şirkəti biznes və platformalara ödənişləri birbaşa alıcıların steyblkoin cüzdanlarına yönəltməyə imkan verəcək pilot layihənin işə salındığını elan edib.

ABC.AZ xəbər verir ki, bu barədə Visa-nın məlumatında deyilir.

Qeyd olunur ki, Visa Direct beynəlxalq köçürmə platformasından istifadə edən müəssisələr ödənişləri fiat valyutası ilə maliyyələşdirə bilər və onları USDC kimi ABŞ dolları ilə təmin edilmiş steyblkoində əldə edə bilərlər.

Bu layihə qlobal ödənişləri daha da əlçatan edir və Visa Direct-in yaradıcılar, freelancerlər və marketplaces üçün imkanlarını genişləndirir, hətta valyuta dəyişkənliyi və ya məhdud bank infrastrukturu olan ölkələrdə belə vəsait toplamaq və daha sürətli əldə etmək imkanı verir.

"Monetized: Visa 2025 Creator Economy Report" adlı yeni bir araşdırmaya görə, fondlara sürətli giriş rəqəmsal yaradıcıların elektron ödəmə üsullarını seçməsinə səbəb olan əsas amildir. 57% respondent hesab edir ki, kontent yaradılması üçün rəqəmsal ödənişlərin əsas üstünlüyü vəsaitə dərhal çıxış imkanının olmasıdır.