11:28 - 2.05.2025

---

2 may, Fineko/abc.az. Çin ABŞ ilə ticarət məsələlərinə dair danışıqların mümkünlüyünü qiymətləndirir.

ABC.AZ-ın məlumatına görə, bu barədə Bloomberg xəbər verib.

Çin Ticarət Nazirliyinin cümə günü yaydığı bəyanatında bildirilir ki, ABŞ-ın yüksək vəzifəli məmurları dəfələrlə Pekinlə tarifləri müzakirə etməyə hazır olduqlarını ifadə ediblər.

“ABŞ bu yaxınlarda Çin ilə danışıqlara başlamaq ümidi ilə müvafiq tərəflər vasitəsilə Çinə mesajlar göndərdi. Çin hazırda bunu qiymətləndirir”, — nazirlikdən bildiriblər.

Agentliyin məlumatına görə, bu, keçən ay Tramp tərəfindən tariflərin artırılmasından sonra tərəflər arasında danışıqların başlanmasının ilk əlamətidir.