14:09 - 9.01.2025

---

9 yanvar, Fineko/abc.az. Ermənistan hökuməti Aİ-yə daxil olma prosesinin başlanması ilə bağlı qərar layihəsini təsdiqləyib, hazırda parlament onu müzakirə edəcək.

ABC.AZ xəbər verir ki, hökumət iclası yerli xəbər portalları tərəfindən real vaxt rejimində yayımlanırdı.

“Bu, sözün əsl mənasında Ermənistanın Avropa İttifaqına üzvlüyü demək deyil, çünki bu məsələ ilə bağlı qərar yalnız referendum yolu ilə qəbul edilə bilər. Ancaq onu da qeyd etməliyik ki, referendumdan əvvəl müəyyən tədbirlər görməliyik: Avropa İttifaqı ilə yol xəritəsini müzakirə etməliyik”, - deyə Baş nazir Nikol Paşinyan qeyd edib.

Bir neçə qərbyönümlü partiya və təşkilat tərəfindən təqdim olunan qanun layihəsinin Nazirlər Kabinetinin təsdiqini aldıqdan sonra bu ayın sonunda parlamentdə müzakirə ediləcəyi gözlənilir.

Layihəni xarici işlər naziri Ararat Mirzoyan təqdim edib. Hökumətin əsaslandırmasına görə, Təsdiq "Ermənistan Respublikası vətəndaşlarının Avropa Birliyinin tamhüquqlu üzvü olacağına dair gözləntilərini daha real hala gətirəcək, eyni zamanda daha çox müzakirə üçün daha iş mühiti yaradacaqdır."