17:23 - 7.08.2026

---

7 avqust, Fineko/abc.az. Ekologiya və Təbii Sərvətlər Nazirliyi yanında Dövlət Mineral Xammal Ehtiyatlarından İstifadə Agentliyi və İqtisadiyyat Nazirliyi yanında Əmlak Məsələləri Dövlət Xidmətinin (ƏMDX) Hərracların Təşkili Mərkəzi tərəfindən 16 sentyabr 2026-cı il tarixində faydalı qazıntı yatağının istifadəyə verilməsi üzrə hərrac keçiriləcək.

Hərracda İsmayıllı rayonunda yerləşən 13,0 hektar sahəyə malik “Girdimançay-I” qum-çınqıl yatağı investorlara təklif olunacaq. İddiaçılar iştirak üçün sənədlərini 9 sentyabr saat 18:00-dək “Bakı KOB evi”nə təqdim edə bilərlər.

Hərracda xidmət haqqını və behi ödəyən yerli və xarici fiziki, habelə hüquqi şəxslər iştirak edə bilərlər. Yekun hərrac Əmlak Xidmətləri Məkanında baş tutacaq.