14:24 - 18.12.2024

---

18 dekabr, Fineko/abc.az. Bu ilin yanvar-noyabr aylarında Azərbaycana 127 milyon 387 min dollar dəyərində 7 min 650 ədəd yük avtomobili idxal olunub. 

ABC.AZ Dövlət Gömrük Komitəsinin hesabatına istinadən xəbər verir ki, 2023-cü ilin eyni dövrü ilə müqayisədə yük avtomobillərinin idxalı dəyər ifadəsi ilə 25 milyon 924 min dollar və ya 25,6% artıb, miqdar ifadəsi ilə isə 1 min 186 ədəd və ya 18,3% artıb. Ötən ilin eyni dövründə xaricdən 101 milyon 463 min dollar dəyərində 2 min 737 ədəd yük avtomobili gətirilmişdi.

1 ədəd yük avtomobilinin orta idxal qiyməti 2024-cü ilin 11 ayının nəticələrinə görə orta hesabla 16 min 652 dollar (28 min 308 manat) olub ki, bu da son  bir ildə 955 dollar (1 min 624 manat) və ya 6,1% bahalaşma deməkdir. 2023-cü ilin yanvar-noyabr aylarında isə 1 ədəd minik avtomobilinin orta idxal qiyməti 15 min 697 dollar (26 min 684 manat) olub.