09:25 - 18.12.2024

---

18 dekabr, Fineko/abc.az. “flydubai”, Dubay hava limanında yeni biznes sinif salonunu təqdim edib, terminal 2 gediş zonasında pasport nəzarətinin arxasında yerləşir. Sahəsi 900 kv. m olan zalda 200-dən çox sərnişin yerləşə bilər.

ABC.AZ xəbər verir ki, zona uçuş-enmə zolağına baxan şüşə fasadla fərqlənir. Səyahətçilər burada müxtəlif yemək seçimlərindən yararlana bilərlər. Salonda duşlar, namaz otağı, pulsuz  Wi-Fi, iş yerləri və bir neçə şarj stansiyası da var.

Yeni təbii işıqlı salonun dizaynı "səhranın sakit və əbədi gözəlliyindən" ilhamlanır. İsti tonlar və minimalist estetika Dubayın üfüqlərini əks etdirir.
Xatırladaq ki, 2024-cü ildə “flydubai” bazarda 15 illik fəaliyyətini qeyd etdi.