09:25 - 3.07.2024
3 iyul, Fineko/abc.az. Çərşənbə günü hərracda neft qiymətləri son sessiyanın sonunda azaldıqdan sonra yenidən qiymətləri artır.
ABC.AZ xəbər verir ki, Londonun ICE Futures birjasında Brent markalı neftin sentyabr fyuçerslərinin qiyməti saat 09:22-ə 0,43 dollar (0,50%) artaraq 86,67 dollar/barelə bərabər olub. İyulun 2-də ticarət nəticəsində sentyabrda Brent markalı neftin fyuçerslərinin qiyməti 0,36 dollar (0,42%) ucuzlaşaraq 86,24 dollar/barelə bərabər olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin avqust fyuçerslərinin dəyəri 0,37 dollar (0,45%) artaraq 1 barelə görə 83,18 dollar təşkil edib. İyulun 2-də ticarət nəticəsində WTI markalı neftin avqust fyuçerslərinin qiyməti 0,57 dollar (0,68%) azalaraq 82,81 dollar/barelə bərabər olub.
