09:30 - 30.05.2024
30 may, Fineko/abc.az. Cümə axşamı keçirilən hərracda etalon markaların qiyməti aşağı düşür.
London ICE Futures birjasında Brent markalı neftin avqust fyuçerslərinin dəyəri saat 09:25-də $0,17 (0,20%) azalaraq bir barel üçün $83,26-a düşüb. Mayın 29-da keçirilən hərracların nəticələrinə görə, Brent markalı neftin avqust fyuçersləri $0,51 (0,61%) azalaraq bir barel üçün $83,43-a enib.
Nyu-York əmtəə birjasının (NYMEX) elektron ticarətində WTI neftinin iyul fyuçerslərinin qiyməti saat 09:25-də $0,12 (0,15%), bir barel üçün $79,11-a düşdü. Mayın 29-da keçirilən hərracların nəticələrinə görə, WTI neftinin iyul fyuçerslərinin qiyməti $0,60 (0,75%) azalaraq bir barel üçün $79,23-a düşüb.
