11:47 - 23.05.2022

---

23 may, Fineko/abc.az. Slovakiyanın neft ehtiyatları 105 gün, təbii qazı isə bir aylıq qalıb.

ABC.AZ xəbər verir ki, bu barədə xarici mediaya Slovakiya Neft və Qaz Assosiasiyasının icraçı direktoru Rixard Kvasnovski danışıb.

O qeyd edib ki, ümumi həcmi 3,5 milyard kubmetr olan Slovakiyanın yeraltı qaz anbarları hazırda 25% doludur.

İcraçı direktor bildirib ki, qaz anbarları kommersiya şirkətlərinə məxsusdur və bu, dövlətin onların işinə təsir imkanlarını məhdudlaşdırır.

O qeyd edib ki, ölkəsi istehlak etdiyi qazın ən azı 85%-ni Rusiyadan alır.

Gələcəkdə ABŞ-dan, Fars körfəzi ölkələrindən və ya Norveçdən qaz nəqli onun mümkün əvəzedicisi ola bilər. Ölkə artıq maye qazla dolu iki tanker alıb.

Müəllif: Elmir Murad