21:23 - 20.08.2026
20 avqust, Fineko/abc.az. Enerji daşıyıcılarının bahalaşması və zəif yen məzənnəsi fonunda Yaponiyanın xarici ticarət dövriyyəsində rekord göstəricilər qeydə alınıb. İyul ayında ölkənin idxalı illik müqayisədə 27,8% artaraq 12,1 trilyon yenə (76,39 milyard dollar) yüksəlib. Ham neft idxalının ümumi dəyəri isə yüksək qiymətlər və ABŞ-dan tədarükün payının artması səbəbindən 87,8% kəskin artım göstərib.
Eyni dövrdə Yaponiyanın ixracı da süni intellekt və verilənlər mərkəzləri (data center) seqmentində yarımkeçiricilərə olan güclü tələbat sayəsində 23,2% artaraq 11,5 trilyon yenə çatıb. Yenin ucuzlaşması yapon məhsullarının xarici bazarlarda rəqabətqabiliyyətini artırsa da, Yaxın Şərqdəki gərginlik fonunda alternativalara yönəlmə enerji idxalı xərclərini əhəmiyyətli dərəcədə yüksəldib.
