16:59 - 25.06.2026

---

25 iyun, Fineko/abc.az. Britaniyanın avtomobil istehsalçısı Jaguar Land Rover ABŞ-da hava yastığı qüsuruna görə 250,9 min yolsuzluq avtomobilini geri çağırır.

ABC.AZ xəbər verir ki, bu barədə Milli Yol Hərəkəti Təhlükəsizliyi Administrasiyası (NHTSA) məlumat yayıb.

Tənzimləyicinin bildirdiyinə görə, sürücü tərəfindəki hava yastığının yay birləşdiricisi korroziyaya məruz qala bilər ki, bu da sistemin normal işləməsinə mane olur və toqquşma zamanı xəsarət riskini artırır.

Geri çağırılma bəzi Land Rover Defender, Land Rover Discovery və Range Rover modellərini əhatə edir.