10:25 - 18.06.2026

---

18 iyun, Fineko/abc.az. 2026-cı ilin birinci rübündə Azərbaycan ilə Gürcüstan arasında fiziki şəxslər üzrə pul baratlarının ümumi həcmi 15.94 mln. dollar təşkil edib.

ABC.AZ Azərbaycan Mərkəzi Bankına istinadən xəbər verir ki, bunun 10.32 mln. dolları Gürcüstandan Azərbaycana daxil olan, 5.62 mln. dolları isə Azərbaycandan Gürcüstana göndərilən vəsaitlərin payına düşüb.

Gürcüstandan Azərbaycana köçürülən pul baratlarının həcmi illik müqayisədə 53.2% artaraq 10.32 mln. dollara çatıb. Eyni zamanda, Azərbaycandan Gürcüstana göndərilən vəsaitlərin həcmi 19.8% azalaraq 5.62 mln. dollar olub.

Nəticədə, Azərbaycanın Gürcüstanla pul baratları üzrə müsbət saldosu 4.71 mln. dollar təşkil edib. Müqayisə üçün, 2025-ci ilin birinci rübündə bu göstərici mənfi 0.26 mln. dollar olmuşdu. Beləliklə, bir il ərzində balans təxminən 4.97 mln. dollar yaxşılaşıb və mənfi saldodan müsbət saldoya keçib.

Gürcüstan 2026-cı ilin ilk rübündə Azərbaycana pul baratlarının həcminə görə altıncı ən böyük mənbə ölkə olub və ümumi daxilolmaların 3.5%-ni formalaşdırıb. Eyni zamanda, Gürcüstan Azərbaycandan xaricə göndərilən pul baratlarında 5.4%-lik payla beşinci yerdə qərarlaşıb.