17:09 - 12.06.2026

---

12 iyun, Fineko/abc.az. Aparıcı avtomobil istehsalçıları — Volkswagen, Stellantis və Renault — Aİ hakimiyyətini yerli istehsalın dəstəyini gücləndirməyə çağırıblar. Onlar avtomobillərin dəyərinin ən azı 70%-nin Avropa İttifaqı daxilində formalaşmasını nəzərdə tutan qaydanın tətbiqini təklif edirlər.

ABC.AZ xəbər verir ki, təşəbbüs artan xərclər, güclənən rəqabət və texnoloji geriləmə fonunda sahənin qorunmasına, eləcə də elektromobillərə keçidin dəstəklənməsinə yönəlib. İstehsalçılar həmçinin subsidiyaların artırılması, akkumulyator istehsalının inkişafı və tənzimləmələrin yumşaldılması tərəfdarıdır.

Onların qiymətləndirməsinə görə, Aİ bazarı zəif olaraq qalır (satışlar 2019-cu illə müqayisədə 3 milyon ədəd azdır), idxalın payı isə 26%-ə çatır ki, bu da əlavə dəstək tədbirlərinə ehtiyacı artırır.