Azərbaycan bu ölkədən əczaçılıq məhsulların idxalını azaldıb

15:36 - 14.02.2024

14 fevral, Fineko/abc.az. 2023-cü ildə Yunanıstandan Azərbaycana 420 min 130 ABŞ dolları dəyərində əczaçılıq məhsulları ixrac olunub.

ABC.AZ-ın məlumatına görə, bu, 2022-ci ilə nisbətən 67% azdır.

Qeyd olunub ki, Yunanıstandan Azərbaycana əczaçılıq məhsullarının ixracı son 2 ildə azalma tendensiyası ilə davam edib. Yunanıstandan Azərbaycana əczaçılıq məhsullarının ixracı ən çox 2013-cü ildə qeydə alınıb (1 milyon 870 min ABŞ dolları).