16:33 - 13.06.2022
13 iyun, Fineko/abc.az. Azərbaycan Dövlət Neft Şirkətinin (SOCAR) Türkiyədəki törəməsi olan “SOCAR Türkiye Petrol Tic. AŞ” şirkəti Türkiyənin ən böyük 10 ixracatçı şirkətlərinin arasında yer alıb.
Türkiyə mətbuatının verdiyi məlumata görə, Azərbaycan kapitallı şirkət bu siyahıda 8-ci yeri tutub.
ABC.AZ Report-a istinadən xəbər verir ki, Türkiyə İxracatçılar Məclisinin (TİM) apardığı araşdırmaya görə, 2021-ci ildə ölkənin ixracı daha əvvəlki illə müqayisədə 32,8 % artaraq 225 milyard 220 milyon ABŞ dollarına çatıb. 2021-ci ildə ilk 1 000 şirkətə daxil olan şirkətlərin cəmi ixracatı bir il əvvələ görə 33,2 % artaraq 123,3 milyard ABŞ dollarına çatıb.
Bu şirkətlərin ümumi ixracdakı payı 54,7 %-i 1 milyard ABŞ dolları və daha çox ixrac edən şirkətlərin sayı isə 15 olub.
Araşdırmaya görə, 2021-ci ildə 827 şirkət ilk 1 000-likdə idisə, 173 şirkət bu il ilk dəfə 1 000 şirkət arasında yer almağı bacarıb. Yerli şirkətlər ilk 1 000-in 80 %-ini təşkil edirdi.
Bu şirkətlər ilk 1 000-in ümumi ixracatının 63 %-ini reallaşdırıb.
