22:35 - 19.08.2026

---

19 avqust, Fineko/abc.az. ABŞ-ın məşhur kosmetika və qulluq vasitələri istehsalçısı "Estée Lauder" illik mənfəət proqnozunun "Wall Street" gözləntilərini üstələdiyini bəyan edib.

Şirkət 102 milyon dollarlıq əlavə tarif xərclərinin mənfi təsirinə baxmayaraq, ətir və dəriyə qulluq segmentlərindəki ("Le Labo", "Tom Ford") güclü satışlar sayəsində dördüncü rübdə gəlirlərini artırıb. Bu elandan sonra şirkətin səhmləri 18% dəyər qazanıb.

Gəlirlərin bərpa olunmasında Çin bazarındakı aktivlik və 38 milyon dollarlıq tarif geri ödənişləri də mühüm rol oynayıb. Baş icraçı direktor Stefan de La Faveri makeup və saç baxımı bölmələrindəki zəifləməni aradan qaldırmaq üçün premium məhsulların buraxılışını sürətləndirəcəklərini bildirib.