21:42 - 19.08.2026
19 avqust, Fineko/abc.az. Bitkoin çərşənbə günü mart ayından bu yana ən sürətli artımını qeydə alaraq 8% bahalaşıb və 69 500 dollar səviyyəsinə yüksəlib.
Kriptovalyuta bazarındakı bu kəskin yüksəlişə ABŞ Prezidenti Donald Trampın "Coinbase", "Payward" və "Blockchain.com" rəhbərləri ilə Ağ Evdə keçirəcəyi görüş öncəsi artan nikbinlik səbəb olub.
Yüksəliş həm də ABŞ Qiymətli Kağızlar və Birja Komissiyasının (SEC) bəzi rəqəmsal aktivlər üçün qeydiyyat tələblərini yumşaltmaq təklifindən sonraya təsadüf edir.
Analitiklər bildirir ki, qısamüddətli mövqelərin bağlanması ilə dəstəklənən bu sıçrayış alıcıların bazara inamını bərpa etdiyini göstərir, lakin əsas sınaq qiymətin 75 000 dollar həddini keçib-keçəməyəcəyi olacaq.
