09:38 - 19.08.2026

---

19 avqust, Fineko/abc.az. İran müharibəsindən sonra tətbiq edilən blokadanın nə vaxt və necə ləğv olunacağı ilə bağlı qeyri-müəyyənlik fonunda çərşənbə günü Hörmüz boğazından gəmilərin keçidi yavaşlayıb.

"Kpler" analitik şirkətinin məlumatına görə, çərşənbə akşamı boğazdan cəmi 6 ticarət gəmisi keçib. Müqayisə üçün qeyd edək ki, bir gün əvvəl bu göstərici 9 gəmi təşkil edirdi, son 10 günlük orta göstərici isə 11 səviyyəsində idi.

ABŞ Prezidenti Donald Tramp çərşənbə akşamı İranla hər hansı danışıqların aparılmadığını və Hörmüz boğazının gəmiçilik üçün açıq olduğunu bəyan etsə də, Tehran tərəfi boğazın nəqliyyat üçün bağlı olduğunu iddia edir.

Müharibədən əvvəl qlobal xam neft və durulaşdırılmış təbii qaz (LNG) daşımalarının təxminən beşdə biri məhz Hörmüz boğazının payına düşürdü.

Təhlükəsizlik riskləri səbəbindən Çinin iki böyük gəmiçilik şirkəti də iyul ayının sonundan bəri tankerlərini Hörmüz və Babülməndəb boğazlarından uzaq tutur. Qeyd edək ki, müharibəyə qədər bu şirkətlər Çinin Yaxın Şərqdən idxal etdiyi neftin təxminən yarısını nəql edirdi.