10:48 - 18.08.2026

---

18 avqust, Fineko/abc.az. Yaponiyada keçirilən 5 illik dövlət istiqrazlarının hərracında yüksək gəlirliliyin investor marağını artırması nəticəsində tələb 2025-ci ilin iyun ayından bu yana ən yüksək səviyyəyə çatıb.

Hərracda tələbin təklifi ödəmə əmsalı  4,15 təşkil edib (əvvəlki hərracda bu göstərici 3,43 olub). Hərracdan sonra 5 illik istiqrazların gəlirliliyi 1 baza bəndi azalaraq %2,15-ə enib.

İstiqraz gəlirliliyindəki yüksəliş Yaponiya Mərkəzi Bankının (BOJ) faiz dərəcələrini artıracağı gözləntiləri ilə dəstəklənir. Maliyyə bazarları sentyabr ayında faiz artımı ehtimalını təxminən 75% səviyyəsində qiymətləndirir.

Digər tərəfdən, Yaponiyanın yüksək borc öhdəlikləri və hökumətin genişləndirici pul-kredit siyasəti istiqraz bazarında narahatlıq yaratmaqda davam edir.