17:20 - 5.08.2026

---

5 avqust, Fineko/abc.az. Qlobal bazarlarda risk iştahının artması və neft qiymətlərinin düşməsi adətən ABŞ dollarını zəiflətsə də, Federal Ehtiyat Sisteminin (FES) faiz dərəcələrinə dair qeyri-müəyyənlik valyutanı dəstəkləməkdə davam edir.

"ING" şirkətinin FX strateqi Kris Ternerin məlumatına görə, Yaxın Şərqdə mümkün atəşkəs xəbərləri fonunda "Brent" neftinin barelinin 80 dollardan aşağı düşməsi səhmləri yüksəltsə də, DXY dollar indeksi 100 bənd səviyyəsində qalmaqdadır. Bu sabitlik investorların FES-in 16 sentyabr iclasında faiz artımına gedə biləcəyi ilə bağlı gözləntiləri ilə əlaqələndirilir.

Avro bölgəsindəki müsbət iqtisadi göstəricilərə baxmayaraq, Avropadakı quraqlaşma və çay nəqliyyatındakı problemlər avro/dollar cütlüyünün (EUR/USD) artımına mane olur. Bazarlar hazırda ABŞ-nin iyul ayı üzrə məşğulluq və ISM xidmət sektoru göstəricilərini diqqətlə izləyir.