09:54 - 6.08.2026

---

6 avqust, Fineko/abc.az. Qızıl ardıcıl dördüncü ticarət günündə də dəyər qazanaraq son yeddi həftənin ən yüksək səviyyəsinə çatıb. Zəifləyən ABŞ dolları, istiqraz gəlirliliyinin düşməsivə Yaxın Şərqdə diplomatik həll gözləntiləri qiymətləri dəstəkləyib.

Spot qızılın bir unsiyasının qiyməti 1% artaraq 4 285,84 dollara (təxminən 7 285,93 manat) yüksəlib. Bu, iyunun 18-dən bəri qeydə alınan ən yüksək göstəricidir. ABŞ-nin qızıl fyuçersləri isə 0,9% artımla 4 345,80 dollara (təxminən 7 387,86 manat) çatıb. Digər qiymətli metallardan spot gümüş 62,16 dollar/unsiya, platin 1 764,10 dollar/unsiya, paladium isə 1 377,83 dollar/unsiya səviyyəsinə yüksəlib.

Bazar analitikləri bildirirlər ki, ABŞ-də faiz artımı gözləntilərinin zəifləməsi və neft qiymətlərinin aşağı enməsi qiymətli metalların cazibədarlığını artırır. İnvestorlar hazırda ABŞ-nin iyul ayı üzrə açıqlanacaq qeyri-kənd təsərrüfatı məşğulluq göstəricilərini gözləyirlər.